Anglo-Amerikaanse Oorlog van 1812

Anglo-Amerikaanse Oorlog van 1812
Die Anglo-Amerikaanse Oorlog van 1812
Datum 18 Junie 1812 - 18 Februarie 1815 Ligging Verenigde State van Amerika en Kanada, Atlantiese en Stille Oseaan Resultaat Verdrag van Ghent Status quo ante bellum
Strydende partye
Verenigde State van Amerika Choctaw Cherokee Creek	Britse Ryk Verenigde Koninkryk Kanada Shawnee Creek Red Sticks Ojibway Chickamauga Fox Iroquois Miami Mingo Ottawa Kickapoo Delaware (Lenape) Mascouten Potawatomi Sauk Wyandot
Bevelvoerders
James Madison Henry Dearborn Jacob Brown Winfield Scott Andrew Jackson William Henry Harrison William Hull	Robert Jenkinson George Prévost Isaac Brock (†) Roger Hale Sheaffe Gordon Drummond Robert Ross (†) Edward Pakenham (†) Charles de Salaberry Tecumseh (†)
Sterkte
1812: 7 000 soldate 1815: 35 800 soldate 3 049 rangers 458 463 milisie 6 fregatte 14 ander skepe	1812: 5 200 soldate 1815: 48 160 soldate 10 000 rangers 4 000 milisie 11 slagskepe 34 fregatte 52 ander skepe
Ongevalle
Totaal: 15 000 2 260 dood 4 505 gewond	Totaal: 3 321 1 600 dood 3 679 gewond

Die Anglo-Amerikaanse Oorlog van 1812 of Tweede Amerikaanse Onafhanklikheidsoorlog (Engels: War of 1812) was 'n gewapende stryd tussen die Verenigde State van Amerika en die Britse Ryk, wat met die oorlogsverklaring van die VSA op 18 Junie 1812 begin en met die Verdrag van Ghent op 18 Februarie 1815 geëindig het.

Die hoofoorsaak van die oorlog het gespruit uit die VSA se begeerte om neutraal te staan ten opsigte van die Verenigde Koninkryk se konflik met Frankryk onder Napoléon Bonaparte. Brittanje wou hierdie reg nie erken nie en het 'n handelsboikot teen die VSA ingestel om veral sy handel met Frankryk in die wiele te ry. Ander bydraende faktore was die Britte se militêre steun aan Indiaanse stamme wat die uitbreiding van die Amerikaanse staat in die Noordweste teengestaan het.

In Kanada word die oorlog beskou as 'n suksesvolle verweer teen die anneksie deur die VSA, wat tot 'n groei van die nasionale bewussyn en die gevoel van gemeenskap in die Britse en Franse bevolking gelei het. In teenstelling daarvan beskou die VSA die oorlog as 'n verdediging van sy onafhanklikheid en 'n verweer teen 'n nuwe verowering deur die voormalige koloniale mag Groot-Brittanje. Die oorlog was ook die laaste een, waarin die inheemse bevolking 'n belangrike rol gespeel het.

Tydens die oorlog het die Britte daarin geslaag om die Withuis aan die brand te steek.